Saskian 0 produktu daukazu/dituzu.
Titulartasuna eta Familiak: Familiak, Ikastolaren izateko arrazoia eurak, kooperatiba gisa eratuta daude, eta jatorriz, Bizkaiko eskualde askotakoak ditugu. Gaur egun, familia kooperatibistak 971 dira, eta ikasleak, 1.367 guztira.
Pertsonak: Irakasleen eta irakaskuntzaz besteko pertsonalaren artean, 110 profesional aritzen gara Lauaxeta Ikastolan.
Hezkuntza-eskaintza: Hezkuntza-eskaintzaren aldetik, legez proposatutako gutxienekotik gora gaude hizkuntzetan, tutoretza bidezko segimenduan, aisialdirako hezkuntzan eta teknologia berrietan, besteak beste.
Hizkuntzan tratamendua:
Ikasleen adina: 2 urtetik 18ra bitartekoak. Haurtzaindegitik Batxilergora arte.
Ikasleen ordutegia: Astelehenetik ostiralera, 09:15etatik 16:30ak arte.
Eskola-ordutegitik kanpoko jarduerak (ikus zerbitzuen atala):
Lauaxeta Ikastola familien kooperatiba bat da, irabazi-asmorik gabea, Administrazioak onura publikoko izendatua, euskalduna eta eleanitza, gizartearekin konprometitua eta gizartea osatzen duten guztiei irekia. Lauaxeta Ikastolak bere izateko arrazoi du ikasleei pertsona gisa garatzen laguntzea, geroan beren burua errealizatzeko eta gizarte gero eta konplexuago batean txertatzeko gai izan daitezen, era horretan gizartea bera hobetzen parte hartuz.
Lauaxeta Ikastolaren Hezkuntza Proiektua berritzailea da, erreferentziazkoa gizartean, eta proiektu hori garatzeko ardura duten pertsonek, denak benetako adituak eta kalitate handiko baliabideez lagunduak, bereizgarri dituzte beren zerbitzu osagarrien kalitatea eta gizartearekiko duten konpromisoa.
Lauaxeta Ikastolak onuragarria izan nahi du gizartearentzat, ekonomikoki bideragarria eta arduratsua ingurumenarekiko.
Hala izan dadin, gure erakundearen gizarte-erantzukizuna ikastetxearen prozesu guztietara zabaltzen da, eta, ondorioz, elkarren osagarri diren Ikastolaren bi alderdietara: hezkuntza-eredua eta kudeaketa-sistema.
Gure hezkuntza-eredua Ikastolak darabilen prozesukako kudeaketa-sistemari esker gauzatu daiteke.
EFQM Europako ereduan oinarrituko sistema honen bitartez, eguneroko jarduera bakoitza dagokion prozesu motaren arabera antolatzen dugu (kudeaketa ekonomikoa, ikasketen kudeaketa, zerbitzu osagarriena…) modu benetan eraginkorrean. Etengabeko hobekuntza-sistema honek prozesu guztiak egitura antolatu batean txertatzea ahalbidetu digu, prozesuen arteko talkarik eta bikoiztasunik gabe.
Horrelako kudeaketa-sistema Ikastolaren ikusmoldea garatzeko eta gure plan estrategikoak hedatzeko aplikatuz eskuratu ditugu, hain zuzen ere, hainbat sari eta gizarte-aitorpen, gure hezkuntza-ereduagatik eta bezeroen zein ikastetxeko langileen gogobetetze-maila hobetzeagatik emanak, haien artean honako hauek aipagarrienak: zilarrezko Q-a 2001ean, Hezkuntza eta Zientzi Ministerioaren sari bana 2001ean eta 2002an, urrezko Q-a 2003an, “European Quality Award Finalist” izendapena 2004an eta 2006an, eta “Prize winner” prozesukako kudeaketagatik eta “European Quality AWARD” 2007an.
Lortutako sariak jarraibide hartuta, gure asmoa ikasten eta hobetzen jarraitzea da, hezkuntza alorreko zein beste sektore batzuetako erakunde eta enpresen eskutik.
Aurrekoez gain, Lauaxeta Ikastola, Euskal Herriko UNESCO Sareko (EHUS) kide da, UNESCOrekin erlazionatutako 19 erakunde publiko eta pribatuz osatutako sarea. Zentzu honetan, Lauaxetaren ekintzak eta programak UNESCOren bost eremuetan kokatzen dira: hezkuntza, natur eta giza zientziak, kultura eta informazio eta komunikazioa, 2030 agendagaz eta Garapenerako Helburuekaz konpromisoa agertuz. Lauaxeta Ikastolaren ekintzak, Nazio Batuen Garapen Iraunkorrerako Helburuekaz bat datoz.