Saskian 0 produktu daukazu/dituzu.
Hezkuntza eta pertsonaren ikuspegi holistikoa du Lauaxeta ikastolako hezkuntza proiektuak, horregatik da garrantzitsua ikasleari arlo ezberdinetako eta diziplina ezberdinetako praktikak eta esperientziak uztartzea.
Etorkizuneko pertsona, etorkizuneko hiritar eta etorkizuneko profesional osoa izateko ezinbestekoa.
Gure helburua ikasleek Haur Hezkuntzatik hasita balore eta konpromiso etiko, sozial eta zibikoak garatzea da. Horregatik asteroko Lehen Hezkuntzan “etika eta filosofia” saioetan, ikasleek, pentsamendu filosofiko eta kritikoaren lanketarekin batera, aipatutako baloreak garatuko dituzte honakoei esker:
Gaitasun digitala funtsezko gaitasuna da, zalantzarik gabe, gure ikasleen etorkizunean. Hori dela eta, Lauaxetan diziplina anitzeko profesionalen talde bat dugu, teknologiak ikasgelan sartzeari buruz hausnartzeaz eta erabakiak hartzeaz arduratzen dena.
Ezagutza zientifikoa robotika eta programazio tailerren bidez indartzen da. Horrela, ikasleek programazio-lengoaiak ezagutu eta sakontzen dituzte.
Bestalde, pentsamendu logiko eta egituratuaren garrantziaz konturatzen dira. Robotikako tailer berezi bat dugu, eta ArkiLego eta LEGO Mindstorm robotak, Arduino eta bestelako programazio-lengoaiak erabiltzen dira.
Ikaskuntza gogoetatsua ikasi nahi dena, bai jarrerak bai edukiak, sakonean ikasten dela bermatzeko modurik eraginkorrena da.
Horrela, ikasleak etengabe aztertu eta ebaluatzen du egindako lan-prozesua, eta hobetzeko ondorioak ateratzen ditu, geroago berriro aplikatu ahal izateko.
Ikasketa prozesuaren ardatz oinarri nagusia pentsamendua da.
Gero eta pentsamendu prozesu eraginkorragoak gauzatu, hare eta esanguratsuagoa eta aberatsagoa izango da ikasketa arlo guztietan, bai pertsonalean eta baita akademikoan ere.
Bizitzaren aurrean jarrera kritikoa izatea, irizpide propioak garatzen jakitea, arrazoiak era argudiatuan garatzea, etab. dira pentsamendu kritikorako konpetentziak bilatzen dituen elementuak.
Gaur egungo erronka adituak izaten ikastea da, baina gure gizartearentzat erabilgarriak izanez. Hori dela eta, Lauaxetako ikasleek zenbait ikaskuntza-proiektutan parte hartzen dute.
Hor, ezagutzetan, gaitasunetan, trebetasunetan, jarreretan eta balio moraletan dituzten ezagutzetan emaitzak hobetzeaz gain, beraien inguruarekin konpromisoa duten herritar gisa ere jokatzen dute.
Batxilergoko ikasleek azkenik, beraien konpromiso soziala Ikastola bidez garatzeko aukera dute. Ikastolak hitzartutako hainbat erakunderekin garatzen da proiektu hau.
Ikasleak berarentzat esanguratsuena den proiektuan parte hartzen du, konpromisoa eta hurbiltasuna beramtuz.
Irakurketa eta ulermenerako konpetentzian oinarrituta, ikasle bakoitza bere irakurketa portfolioa sortzen joaten da, bere gustu eta zaletasunei hoberen egokitzen zaizkion irakurketen ibilbidea osatuz.
Izan ere argi dago Literatura bizi egin behar dela. Irakurketa zaletasuna emozioen bidez lortzen da, beraz garatzen diren proiektu literarioen bidez, ikasleek literaturari emozionalki lotzeko aukera izaten dute.
Gizakiok txikitatik sormenerako berezko gaitasuna badugu ere, inguru hurbilean aukera estimulagarriak aurkitzen baditugu, gure pentsamendu sortzailea eta dibergentea gehiago elikatzen da.
Ikastolan ikasleek hainbat aukera dituzte beraien ideiak kreatiboki adierazteko:
Horrez gain, DBH eta Batxilergoan ikasleek beraien ekintzailetza prolektua sortzeko aukera dute, are eta gehiago, aholkulari profesionalekin harremanetan jartzen dira ikasleak.
Naturarekiko eta inguru naturalekiko harremana txiki txikitatik lantzen da.
Mundu naturala aztertzearekin zerikusia duten zenbait proiektu jasotzen dituen programa da.
Hor, ikasleek ikertzaileenak eta esploratzaileenak egingo dute, hipotesiak sortuz, datuak bilduz eta aztertuz, naturaren indar eta elementuen arrazoi eta eraginei buruz gogoeta eginez. Nabarmentzekoa da eskolako ortuak programa honetan duen protagonismoa.
Horren bidez ingurumen-hezkuntza bereganatzen dute ikasleek, eta ingurunea errespetatzen, gizakien arteko eta gizakien eta naturaren arteko harremana ulertzen ikasten dute.
Eskola ortuari esker ikasleak ingurumen-hezkuntza bereganatzen dute ikasleek, eta ingurunea errespetatzen, gizakien arteko eta gizakien eta naturaren arteko harremana ulertzen ikasten dute ikas-proiektu ezberdinen bidez.
Zientziek eta STEM diziplinek ikerketa eta esperimentazioa dute helburu nagusietariko bat.
Eta ikasketa horiek praktikara eramateko eta jendearen aurrean aurkeztu eta defendatzeko, Lauazoka zientzia Feria antolatzen da.
Bertan ikasle talde ezberdinek egin dituzten STEM arloko lanak aurkezten dituzte. Lauazoka honek, Elhuyar Zientzia azokaren “antesala” bezala
STEAM arloetan, ikasleen Batxilergoan garatzen duten proiektua da Green Power.
STEAM arloa eta Ekonomia batzen ditu proiektu honek, ikasleek proiektu osoa kudeatzen baitute.
Lasterketetan konpetituko duen kotxe bat diseinatu eta fabrikatzen dute, mugikortasun elektrikoan oinarrituta eta inqenieritza, teknologia, fisika, kimika eta ekonomiako ezagutza teknikoak aplikatuz.
