Saskian 0 produktu daukazu/dituzu.
Aste Santuko oporretan, rock kanpusaz gain, Lauaxeta Ikastolak kirolzaleentzat ere hitzordu berezi bat eskaini zuen.
Futboleko kanpusean, 27 kirolarik —Lehen Hezkuntzako 3. mailatik DBHko 1. mailara bitartekoak— opor egunetan ikasten, gozatzen eta euren kirol gustukoenean hobetzen jarraitzea erabaki zuten.
Astean zehar, parte-hartzaileek euren adinera egokitutako entrenamendu teknikoak, jolasak, txapelketak eta talde-dinamikak uztartu zituzten, giro dibertigarri eta lagunkoi batean.
Esperientzia handiko entrenatzaileek gidatuta, teknika indibiduala eta taldeko jokoa lantzeaz gain, errespetua, ahalegina eta talde-lana bezalako balioak ere indartu zituzten.
Oporrez gozatze modu bikaina: pasioa, esfortzua eta irribarreak partekatuz, futbola ardatz.
