Non matrikulatuko dut umea? Erabaki garrantzitsua

Gure semearen edo alabaren matrikulazioa edo eskolatzea erabaki garrantzitsua da, hainbeste maite dugun norbaiten oraingo eta etorkizuneko ongizateari zuzenean eragiten baitio. Beraz, ez da erabaki erraza eta zalantzak sor daitezke. Horregatik, edozein erabaki hartzerakoan garrantzitsua bada informazio ona izatea, kasu honetan are gehiago.
Hori dela eta, ate irekien jardunaldi batzuk antolatzen ditugu urtero, behar duzun guztia azaltzeko, zure zalantzak argitzeko eta zure kabuz ikus dezazun zure semeak edo alabak bere egunaren eta bere urteen zati handi bat igaroko duen ikastola; ia bere bigarren etxea izango dena hori ezagutu dezazun. Gauza batzuk modu presentzialean bakarrik transmitu daitezkeelako, eta pertsonak eta lekua ezagutzeak esperientzia bat eta bizipen edo sentsazio batzuk eskainiko dizkizulako, behar duzun informazioarekin batera, erabaki on bat hartzeko eta alde horretatik lasai sentitzeko.
Esperientzia handia dugu bidean eta zure zerbitzura jarri nahi dugu, sor dakizkizukeen zalantza guztiak argituz.
Aurten, gainera, berritasun bat dugu, aukeratu ahal izango duzulako larunbat bat etortzea, hobeto badatorkizu, edo astegun bat etortzea, eta, bide batez, ikasgeletan egun erreal baten dinamika ikustea, ikasleak barne, zure umea egoera horretan imajinatzeko eta horrek erabaki bat hartzen laguntzeko.
Inolako konpromisorik gabe eman dezakezu izena ate irekien egunean, eta prozesu osoan lagunduko dizugu, unean uneko berri garrantzitsuak jakinaraziz emanez, zure zalantzak argituz, erabakirik onena har dezazun eta lasai egon zaitezen.
Animatzen bazara, esteka honetan sartzea besterik ez duzu:

Matrikulaziorako informazioa eta bisita gidatua izan nahi ditut