Saskian 0 produktu daukazu/dituzu.
Lauaxeta ikastolako ikasleak euskaldunak eta eleanitzak dira. Horretarako txiki txikitatik euskara eta euskal kulturan bizitzera animatzen ditugu. Helburua euskarazko konpetentzia maila egokia izateaz gain, euskaldun sentitzea ere bada.
Eta XXI. mendeko euskalduna izatea, mundura zabalik dagoen pertsona izatea da. Horregaitik beste hizkuntza batzuetan konpetentzia maila egokia izatea eta beste kulturak errespetatzen eta enpatiaz jokatzen jakitea, ezinbesteko jarrera da.
Hau horrela izanik, Lauaxeta ikastolako ikasleak euskara, gaztelania eta ingelesean konpetentzia maila egokia izateaz gain, laugarren hizkuntza baten ere ondo maneiatu daitezen bilatzen da.
Guzti hau lortzeko, haur hezkuntzatik hasi eta batxilergorarteko hizkuntza proiektu orokor batez baliatzen gara, adin eta etapa bakoitzerako hezkuntza planteamendu egoktu bat garatuz.
Ondo hitz egiten ikasi egiten da. Hizkuntza eta hiztegi aberats bat izaten ikasi egiten da. Horregaitik oso garrantzitsua da txiki txikitatik hiztegi egoki eta aberatsa erabiltzera ohitzea.
Elementu bakoitzak bere kontzeptua duelako eta emozioak, sentimenduak edo egunerokoan gertatzen diren gora beherak deskribatzeko hiztegia eta hizkuntza egitura egokiak izatea ezinbestekoa delako.
Ama hizkuntzan zenbat eta hiztegia aberatsagoa izan, gainontzeko hizkuntzatan ere hiztegia aberatsagoa izateko aukerak handitzen dira. Horregaitik da garrantzitsua, umearekin etengabe arlo eta gertakari ezberdinen inguruan hitz egitea, eta hiztegi aldetik ahalik eta zehatzena erabiltzeko ohitura hartzea.
Kultura bat ezagutzea, ezinbesteko pausoa da kultura hori baloratu eta sentitzeko. Horregaitik Haur hezkuntzatik ikasleei euskal kulturari buruzko erreferentziak egiten zaizkie, nagusiagoak direnean, erreferentzia horiek dagokion bezala ezagutu eta baloratu ditzaten.
Euskal kulturaren erreferentziak izatea, atzerriko beste kulturekiko erreferentziak izaten laguntzen du ere. Azken finean, kulturari garrantzia emanda, herrialde bakoitzak bere elementu kulturalak dituela eta atzerriko kulturek ere balioa dutela ikasten delako.
Hau garatzeko, ikasleak adinean gora doazen einean, atzerriko herrialdeekin kontaktuak eginez lantzen da ere. Besteena ezagutu norberarena baloratu eta maitatzeko.
Ikasleak hiru eta lau hizkuntzatan konpetenteak izateko animatzen ditugu. Eta konpetentzia hori ofizialki akreditatu ahal izateko agiri ofizialak eskuratzera baita.
Hau lortzeko, LH 6. mailatik hasita, ikasle guztiak ingeleseko agirietara aurkezten dira. Berdina egiten da DBH 2, DBH 4 eta Batxilergoan ere.
Euskarari dagokionez ere beste horrenbeste egiten da eta Batxiler 1. mailako ikasleak euskarazko C1 agiria lortzera animatzen ditugu. Ikasle hauei gainera entrenamendu berezi bat egiten zaie C1 agiria eskuratzeko froga hobeto prestatzeko helburuz.
Frantseza eta alemanarekin, ikasle bakotzak duen mailaren arabera Batxilergoan ere kanpo frogetara aurkeztera animatzen ditugu. Batxilergoa amaitu orduko lortzen eta eskuratzen dituzten agiriak, beraien hizkuntzen portfolioan dituztelako.
Hizkuntza bat ikasteko, hizkuntza hori biziz errezago ikasten da. Horregaitik Lauaxeta ikastolako hizkuntzen planteamenduak hizkuntza bizitzera animatzen ditu ikasleak.
Ikasketa esperientzia esanguratsu horiek gauzatzeko, beste kultura eta herrialde batzuetako ikasleekin kontaktuak eta interkanbioak egiten dira. Lehenik eta behin hizkuntzen balioaz ohartzeko, eta bestetik hizkuntza asko daudela ikusteko eta pertsona guztientzat beraien hizkuntza eta kultura garrantzitsua direla konturatzeko.
Ikasleak Haur Hezkuntzan hasten dira inglesa lantzen, modu ludikoan eta naturalean hizkuntzarekiko hurbiltasuna garatuz.
Lehen Hezkuntzan ingeleseko ikasgaia izateaz gain, ikasleek Science ikasgaia ingelesez garatu dezakete ere, poliki poliki hizkuntza honetan komunikaziorako gaitasuna garatzeaz gain hiztegia eta egitura ezberdinak osotzen joateko. Etapa honetan baita, Speaking eskolaz kanpokoa dute ikasle guztiek, ahozkotasuna modu esanguratsuan lantzeko eta ikasteko.
DBHko etapan, Social Sciences ikasgaia garatu dezakete baita ere hizkuntza honetan, hiztegia aberasten jarraitzeko eta hizkuntza ezagutza arlo ezberdinetan era egokian erabiltzeak zer nolako garrantzia duen jabetetzen jarraitzeko.
Batxilergoan ikasgai ezberdinak dira ingelesez garatu daitezkeenak, Marketing & Business, Scientific culture, etab. Etapa honetan gainera ikasle guztiek Speakingeko gehigarria dute ingeles orduan, batxilergoa amaitu orduko ikasle guztiak hirueledunak izan daitezen gutxienez.
Eskola orduetatik kanpo ere hizkuntzak garatzen jarraitzeko nahia duten ikasleek aukera dute.
Haur Hezkuntzan, ikasle guztiek dute Speaking gehigarria eguerdiko jolas ordu denboran. Astean behin, Speaking saioa dute, ingelesez abestu, jolastu eta denbora gehiagoan komunikatzen aritzeko.
LHtik aurrera, eskolaz kanpoko ingelera garatzeko aukera dago. 16:45etatik 18:15ak arte astean bi egunez, ingeles ikastaroak garatzen dira eta ikasle bakoitza bere hizkuntza mailari dagokion taldean kokatzen da.
DBH eta Batxilergoan planteamendu honekin jarraitzen da, bi etapa hauetan kanpo akreditazioak lortzea ikasketa helburu bat gehiago bezala kontsideratzen delarik.
Batxilergoko 1. maikan ere Euskarazko C1 ikastaroa egin dezakete ikasleek ekainean oporretan joan aurretik. Agiri hau eskuratzeko 16 urte izatea ezinbesteko baldintza denez , etapa honetan zentratzen da agiri honen lorpenerako ikastaroa.
Eskolaz kanpoko eskaintzaren barruan, frantseza garatzeko aukera ere badago. Euskal Herriko beste hizkuntza bat izanik, horrela nahi duten ikasleek eskolaz kanpoko denbora tartean garatu ahal izateko baita ere.
