Lauaxeta Ikastolan, aurten ere Gau Beltza ospatu dugu, gure arbasoek bezala, urriaren 31ko gau berezi honetan gure sustraiak bizirik mantenduz. Gau Beltza Euskal Herriko ohitura zahar bat da, udazkenaren iluntasuna eta naturaren ziklo berria ospatzen dituena. Beste herrialde batzuetan Halloween ospatzen bada ere, guk euskal kulturaren esentzia mantentzearen alde egiten dugu, belaunaldi berriek gure ohiturak eta sinesmenak ezagutu eta bizi ditzaten.

Ospakizun honetan, kandelak piztu eta maskarak erabiliz, argia eta iluntasuna, bizitza eta heriotza elkartzen dira, eta aldi berean, pertsona bakoitzak bere barne ziklo berriei hasiera emateko unea da. Gau Beltza ospatzeak ez du soilik gure kulturaren mantentzea eta trasmisioa esan nahi; norberarentzat ere gogoeta eta aldaketa sakonetarako aukera eskaintzen du, ziklo berri bati harrera egiteko.

Lauaxeta Ikastolan, Gau Beltzarekin gure sustraiak ospatuz, gure nortasuna eta ondarea sendotzen ditugu eta aldi berean, ziklo berriak hasteko eta berritzeko aukera baliotsua sustatzen dugu.

Ikastolan hainbate kintza garatu dira. Besteak beste ikasleek eginiko ginkana bat edota bertsoak. Bertsoak ondoko estekan ikus ditzakezu.