Ohitura on bat motibatzaile bihurtzea

Urtarrila amaitzeko egun gutxi falta direnean, baliteke urte berrirako helburuen artean ariketa egitea proposatu izana. Horrela bada eta zure asmo onari eutsi badiozu, ariketa motibatzailea izatea zein garrantzitsua den jakingo duzu. Asmo hori denboran mantendu nahi badugu, behintzat. Gure ikasleekin planteatzerakoan, hori ere kontuan hartzen saiatzen gara. Agian helburu handinahiegia da guztion gustukoa izan nahi izatea, baina estiloak eta jarduerak aldatzean, gutxienez aukera handiagoa dugu haien gustua eta motibazioa aurkitzeko.
Gustuko dugun musikarekin ariketa konbinatzea aliantza ona da, adibidez. Gaur, hain zuzen ere, DBHko ikasle batzuk aerobic koreografia bat dantzatzen ikusi ahal izan ditugu musikaren erritmoan. Koordinazioa, erritmoa eta ariketa kardiobaskularra. Aurrera!