Saskian 0 produktu daukazu/dituzu.
Gure izena, Esteban Urkiaga “Lauaxeta” poetarengatik dator. 1977an eratu ginan eta lehen hamar urteetan, hasierako 150 ikasleetatik 1.450 izatera pasatu ginan, eta 9 irakasletik 75era denbora berean.
Harrezkeroko garaietan, azpimarratzekoa izan zen 1988tik 1993rako bitartea. Tarte honetan arlo nagusi bitan lanean aritu ginan: hezkuntza-berrikuntzan batetik eta kudeaketaren berrikuntza etengabean bestetik, txanpon beraren alderdiak dirala etta bate bestea gabe ezin daitekela eman ulertuta.
Hausnarketaren fruitu, 1996-2000, 2000-2004 eta 2004-2008ko Plan Estrategikoen aldiari ekin genion, Hezkuntza Proiektuaren ardatz harturik baloreak, gure ikasleak bizitzan zehar ikasteko prestatu beharra eta gure azpiegituren berrikuntza.
Horrekin bat, gure Zuzendaritza Taldea bikaintasunaren kudeaketan trebatzea etorri zen, EFQM ereduaren ildotik “kudeaketa berrituz berrikuntza kudeatzeko”. Prozesukako kudeaketa-sistema bat diseinatu genuen eta egindako lanaren emaitza gisa hainbat sari jaso genituen: 2001eko zilarrezko Q-a (400 puntu baino gehiago EFQM ereduaren baremoan);
Hezkuntza eta Zientzia Ministerioaren Kalitatearen Saria, bi aldiz eskuratua (2001ean eta 2002an); 2003ko urrezko Q-a (500 puntutik gora); finalista 2004an eta 2006an Europako Sarian; Espainiako ikastetxerik onena azken urteetan, El Mundo egunkariaren sailkapenaren arabera; eta Prize Winner for Management by Processes & Facts eta EFQM Excellence Award Winner sariak 2007an.
2004-2008 eta 2008-2012 Plan Estrategikoekin, gure Gizarte Erantzukizuna eta berrikuntzaren kudeaketa lantzea erabaki genuen.
2012-16 eta 2016-20 Plan estrategikoek Hezkuntza proiektuen berrikuntza izan zuten ardatz. Ikasleen konpetentziak hobetzeko beharrezko ikasketa baliabideak eta helburu horiek lortzeko hezkuntza prozesuen lerrokatze egokia bermatuz.
2016-20ko plan estrategikoan Ikastolak 2030 Agenda eta Nazio Batuen Garapen Iraunkorrerako Helburuak hartu ditu bere baitan, kalitatezko kudeaketaren irizpide bezala.
2020-24 Plan Estrategikoak hezkuntza proiketuaren hobekuntzarekin jarraitzea eta ikasketarako, aisirako eta kirol baliabideen gaurkotzea ditu helburu. Horretarako beste ekintza batzuen artean Lauaxeta campus proiektua martxan jarri da.
Proiektu honek baliabide eta Ikastolako esparru ezberdinen gaukotzea ekartzeaz gain, Lauaxetako komunitatea osatzen duten ikasle, irakasle, familia eta ikasle ohientzako aisi eta kirol zerbitzu berriak ekarriko ditu.
Sortu ginenetik gaur arte, osagai bat izan dugu iraunkor: berrikuntzaren alde izan dugun konpromisoa. Guretzat lehentasunezkoa da gizartearen beharrak igartzea eta haietara moldatzea, gure hezkuntza-proiektua eta kudeaketa dagokionean moldatuz.
Lauaxeta Ikastolaren himnoa
Lauaxetaren hezkuntza eredua praktikan nola gauzatzen dugun ikusteko, gure Memoriak ikustera gonbidatzen zaitugu:
