Norberen ikasketak aurrera eramateaz gain, badaude hautetatik haratago itzelezko erronka eta lorpenak burutzen dituzten ikasleak.

Arantza Berasategi dugu hauetariko bat. Batxilergoko 2. mailako ikaslea dugu eta hainbat sari, bizipen eta ordu sartu ditu hipikaren munduan.

Bere esperientzia gertuagotik ezagutzeko, berarekin egin dugu oraingoan, elkarrizketa sakonean.

Noiz hasi zinan hipikan?
13 urte ingurugaz. Hasiera baten astean ordu betez aritzen nintzen eta urte bi igaro ondoren egunero joaten izan naiz. Mungiako hipika batetara joaten izan naz eta profesional naizenetik Lezaman nabil.

Zer ematen dizu zuri zaldian aritzeak?

Hasieran norbere buruarenganako segurtasuna hartzen asko laguntzen du eta hortik haratago, beste kirol batzuetan ere jorratzen diran aspektuak: erronkak jartzea eta hauen alde jardutea, konpetitzea, ematen dizun oreka, … Horrez gain, zaldiarengandik ikasten duzuna, eta taldean aritzean, besteak animatzea eta haien lorpenengatik ere ikastea eta poza hartzea.

Eta zu zeu beste kirol batzuetan ere aritzen zara?

Kirola orokorrean gustoko dut: tenisa, korrika… egia esan ez naiz geldi egiten direnetakoa!

Eta zaldian, zein lehiaketetan aritu zara?

Euskadin autonomikoetan aritu naiz, Espainia osotik baita eta nazioartekoan, Espainiako selekzioan hainbat lehiaketetan izan naiz: Campeonato Europaa, Italia, Alemania, Holanda, …

Estatu mailan, nire kategoriako 4. gelditu nintzan, Euskadiko 1.a eta mundo mailan 2. Espainiako selekzioagaz.

Hainbat dira! Eta aurrerantzean?

Selekzioan joan nahi nuke aurten ere eta 1,50eko obstakuluak gainditu.

Sariak aipatu ditugu, baina zenbat lan dago lorpen guzti hauen atzean?

Asko egia esan, egunero noa entrenatzera, egunean 3 ordu. Handik bueltan nire ikasketei ekin behar diet eta  arlo pertsonalean ere errenuntziak eskatzen ditu. Kirola bera oso polita da, baina lan asko eskatzen du, dedikazioa eta konpromisoa, bai zaldiarekiko, baita ikasketekiko ere. Gainera, horrenbeste denbora ematean kirol garestia biurtzen da eta bueltan nire aldetik ahal dudan dena eman behar dut.

Eta aurrerantzean, datorren ikasturtera begira zein helburu dituzu?

Injenieritza ikasteko naz eta ikusi behar, baina ez dut horrenbeste denbora izangoi zaldiari emateko. Lehentasuna Unibertsitatea izango da.

Oso ondo Arantza, erakutsitako dedikazio, konpromisoa etta gaitasuna kontutan izanda, ziur gagoz Unibertsitatean ere ondo joango zaizula. Ondo segi eta aurrera!