Saskian 0 produktu daukazu/dituzu.
29 autobus aritzen dira ikasleen garraioan. Ikasturtearen hasieran, garraioaren antolakuntza egokitu egiten da dauden beharrei erantzuteko eta familiek zerbitzua hobetzeko egiten dituzten iradokizunak aintzat hartuz.
Astelehenetik ostegunera bitartean garraio zerbitzua dago eskolaz kanpoko jardueretarako ere.
Garraio ahalik eta seguruena izan dadin, Ikastolako Zuzendaritzak zerbitzuaren dokumentazioa indarrean dagoela ziurtatzen du une oro.
Janaria Ikastolako sukaldean bertan prestatzen da, mediku kolegiatuek egiaztatutako berezitasun dietetiko guztiak kontuan hartuz.
Berme osoko gastronomia enpresa bat arduratzen da hornikuntzaz eta menuen osaeraz, dietetika eta nutrizio irizpideei jarraituz eta janaria prestatzean arau higienikoak eta sanitarioak aplikatuz.
Jantokiaren zaintza eta kudeaketari dagokionean, Haur Hezkuntzan eta Lehen Hezkuntzan, irakasleak eta laguntzaile talde bat arduratzen dira umeez. Bigaren Hezkuntzan eta Batxilergoan lan hori laguntzaileen esku dago.
Sukalde eta jantoki lana hobetzeko helbururekin, bi urterik behin menuen auditoriak egiten dira, jarraian dituzuelarik azken auditorietatik aplikatutako hobekuntzak.
Menua ikusteko, klikatu “Deskargatu” dioen botoian.
Lauaxeta Ikastolak Bertoko Plana jantokiaren ardatzetariko bat da.
Plan honetan, menuan eskeintzen diran produktuak hurbilekoak eta era artesanoan lortutakoak direnen portzentaia handiagotzeko konpromisoa hartzen da. Bertoko Plana sakonago ezagutzeko, klikatu ondoko lotura.
Elikadura osasuntsua egunerokoan ikasketa bezala kontsideratzen denez, adin ezberdinetako ikasleek jantokiko kudeaketari lotuta formazio plan bat jasotzen dute urtez urte. Arlo honetan, besteak beste, ondokoak egiten dira:
Ikastolatik, maila bakoitzerako beharrezko diran baliabide didaktikoak (ipad-ak, ordenagailuak, liburuak, edota bestelako materialak) eskuratzeko zerbitzua eskeintzen da, bolumen handiko erosketak egiteak dituen baldintza berezietan gainera.
Aldi berean, ikastolaren bitartez eskuratutako dispositibo teknologiku desberdinen mantenimendu zerbitzua ere eskeintzen da, familiak dagokiozan eginbeharretaz arduratu ez daitezan.
Ikastolak, erreprografia zerbitzuak ere eskeintzen ditu, kurtso osoaren zehar.
Hemendik, eLiburutegira sartu zaitezke; Euskadiko Irakurketa Publikoko Sarearen plataforma bat da Interneten bidez eduki digitalen irakurketa errazten duena.
Irakurketa hori streaming bidez, ordenagailuaren bitartez edo gailu mugikorrak direla medio burutu daiteke.
Soin hezkuntzarako eta Eskolaz kanpoko kirol taldeetan aritzeko beharrezko kirol erropa Ikastolako dendan (fisikoki edo online) eskuratzen da.
Lauaxeta ikastolak botikin zerbitzua du.
Bertan beti dago klinika auxiliar profesional bat sendaketa arinak egiteko edo gaixorik sentitzen den ikaslea atenditzeko eta, hala behar bada, istripu baten ondorioz, ikaslea dagokion osasun-zentrora eramateko.