You have 0 items in your cart
Gure hezkuntza-ereduari zintzo jarraituz, lan egiteko era berritzailea dugu, garrantzia emanez, hartara, ez bakarrik edukiei edo irakasten denari, ezpada, eta batez ere, prozedurei eta metodologiei, hots, irakasteko moduari, horixe baita ikasleen trebetasunak eta gaitasunak garatzeko bidea.
Etengabeko hobekuntza dugu beti goiburu. Horregatik, ikastetxeko irakasle guztiak Ikaskuntza Komunitateren bateko partaide dira, bertan ikasgelarako metodologia berrien ikerketan, diseinuan eta aplikazioan dihardutelarik.
Egun, metodologia taldeek hainbat gai jorratzen dituzte, baina gai horiek aldatuz doaz, zeren, behin ikertuak eta ikasgelan txertatuak, unean uneko Komunitatea langairik gabe geratu baita, eta orduan, landu beharreko metodologia eta Ikaskuntza Komunitate berriak eratzen dira:
Diziplina Anitzeko Unitate Didaktikoak
Astebete edo 2 aste irauten duten diziplina arteko proiektuak. Proiektuotan irakasgaiaren egitura lauso edo zehaztugabe antzean aurkezten da, ikasleek eurek gaurkotasuneko gai batez hausnartu eta ideiak proposa ditzaten, arlo guztietan ikasitakoa aplikatuz.
Proiektu hauek era honetara garatzea ikasleentzat esanguratsuago egiten dute, beraien ikasketa aukerak handituz eta bizitzen eta esperimentatzen dutena era gidatu batean bermatuz.
Problemen Ebazpen bidezko Ikaskuntza
Ikasleei egoera edo problema bat planteatzen zaie, konponbidea edo ebazpidea bila dezaten beren ezaupideak baliatuz eta problemen ebazpen-faseei jarraituz. Metodologia hau txikitatik hasi eta Batxilergorarte garatzen da hainbat eta hainbat ikasketa proiektuetan.
Horrez gain, bizitzako eguneroko egoeratan aplikatzeko planteamenduak ere egiten dira, era horretara ikasleak Ikastolan ikasitakoa, beraien bizitzan eguneroko egoeratara transferentzia egitea posible izango dute.
Elkarlaneko Ikaskuntza
Ikasleen elkarlanaren bidezko ikaskuntza, talde-lanerako trebetasuna lantzeko lagungarria. Lan talde kooperatiboa zer den eta nola taldean nola lan egin erea egokian ikasten dute ikasleek.
Taldean lan egitea zaila da. Talde batek era kooperatiboan jokatzea zaila da. Horregaitik da garrantzitsua ikasleek ulertzea taldean lan egitea, gaur egun ezinbestekoa den jarrera eta konpetentzia bat dela, eta talde horrek era egokian funtzionatzeko taldekide guztien lana eta konpromezua beharrezkoa dela.
Ebaluazioa, errubrikak eta feedbacka
Konpetentzien lanketa eta konpetentzien araberako programazioa garatzea, konpetentzia hauek ebaluatzea eta etengabeko feedbacka ikaskuntza beregainerako tresna gisa izateko lan egiten duen taldea.
Konpetentzia bigunen inguruan (soft skills) sarritan entzuten dugu zer nolako garrantzia duten, baina, nola landu, nola garatu ikasleengan?
Lan talde honek konpetentzia ezberdinak lantzeko estrategia teknika eta metodologia egokietan ikertzen du.
Euskararen ikasketa, didaktika eta erabileraren inguruan, Ikastolan lan egiten duen lantaldea.
Nola sustatu euskraraen erabilera gazteen artean? Nola kontzientziatu euskara euskaldunon altxor bat dela eta guk zaindu behar dugula? Nola lortu hizkuntza batekiko atxikimendua lortzea?
Lan talde honek euskararen didaktikan sakontzeaz gain, euskararen balio emozionlaerako ekintzak koordinatzen ditu Ikastolan.
Ingelesaren irakaskuntza estrategien eta metodologien hobekuntza.
Nola lantzen da atzerriko hizkuntza bat, baina ezinbesteko hizkuntza baldin bada?
Zer nolako koordinazio ekintzak egin behar dira ikasleekin, motibazioa lagun izanda ikasleek hizkuntza hori are eta gehiago ikasi nahi izateko?
Besteekiko bizikidetzaren garrantzia, eta norberaren garapenerako espazioak egoki garatzea.
Bizikidetza egoki bat gabe ez dago ikasketa giro egokirik. Horregaitik ezinbestekoa da ikasleek Ikastola esparru seguru eta atsegin bat bezala ikustea eta sentitzea.
Bizikidetza egokia bermatzeko, besteak beste tutoretza programa egoki eta koordinatu bat garatzen da eta KiVa Ikastola izaterakoan, bullying eta antzerako egoerak ekiditzeko lan egiten da.
Zientziak, Matematika, Ingenieritza eta Teknologia bateratuz, arlo honetako ikasgaien koordinazioa eta elkarlana bideratzen duen lan taldea.
Nola landu robotika ikasleekin? Nola landu programazioa?
Ez da konpetentzia bat, hainbat konpetentzia batzen diren arloa da, eta horrela landu behar da ikasleekin ere.
Teknologia Berriak
Diziplina arteko lan taldea, irakaslez eta informatikako, komunikazioko eta beste arlo batzuetako profesionalez osatuak, teknologia berien ezarpenaren koordinazioaz arduratzen dena.
IKTak Ikastolako hezkuntza helburuak lortzeko bidea dira, beraz era egokian funtzionatu behar dute eta aliatu bezala ulertu behar ditugu. Merkatuan dauden aukera ezberdinak etengabe arakatzen ditugu, aukera hauek aprobetxatu ahal izateko.
Matematiken didaktikaren koordinazioa, besteak beste DBHko Matematikak aurreratuak barne, gaitasun matematiko aurreratuago bat erakusten duten ikasleentzako eskeintza bezala.
Matematika gizartearen oinarrietariko bat da. Matematikekin, gizartearen eta naturaren aspektu ezberdin ugari ulertu daitezke. Horregaitik da horren garrantzitsua gure ikasleek matematiken ikuspegi ireki bat izatea. Ikuspegi aberats bat. Matematikei esker gizarte hobe bat egiteko helburuan sakondu dezaten.
Ikastolan genero ikuspuntua eta pertsonen arteko berdintasun politikak era egokian bermatzen direla kudeatzen duen lan taldea.
Baina nola landu txikitatik eta Batxilergorarte Berdintasuna? Programazioa da klabea. Programazio egokia izan behar da, Ikasleak gaia astuna bezala ikusi ez dezaten. Emozioak dira ardatza beraz. Ikasleak, pertsonak izanda, barnetik sentitu dezaten, lan talde honek lideratzen duen arloa, beraien bizitzatan funtsezkoa dela ulertuz eta mundu hobeago baten alde lan eginez.
Ikastolak gizartearekiko duen konpromisoaren jarraipena eta koordinazioa egiten duen lan taldea. Garapen Iraunkorrerako helburuen alde lan eginez eta helburu honetarako garatzen diren ekintzak koordinatuz.
Urtean zehar ekintza ugari eta anitzak egiten dira, batzuk ingurmenarekin lotutakoak, beste batzuk arlo sozialalarekin lotutakoa, eta ekintza guzti hauek koordnazioaz lan talde hau arduratzen da.
Horrez gain, Ikastolako energia mota ezberdinen kontsumo eta Ikastola jasangarriago bat egitearen aldeko politikak kudeatzen ditu.
Koordinazio pedagogikoak eta Berriuntzarako lan taldeak, Ikastolako hezkuntza poiektuaren kkordinazio bermatzen duten lan taldeak dira. proiektu guztien, ikerketa guztien eta bestelako lan taldeen lan egokia bermatuz.
Bullyingaren kontrako programaren koordinazio lan taldeak, segurtasun protokolo ezberdinak ondo funtzionatzen dutela ziurtatzeaz arduratzen den lan taldea da.
Etapa ezberdinetako profesionalez osatutako lan taldea da KiVa taldea eta tutoretza, bizikidetza eta aholkularitza taldeetako pertsonekin elkarlanean aritzen da.