Zerbait ezagutzen ez dugunean, erraza da askotan errealitatearekin bat ez datozen aurreiritziak izatea. Horixe gertatzen da adimen-desgaitasunaren kasuan. Gaur, Gorabideko Kepak eta Johannak eskaini diguten denborari esker, adimen desgaitasuna duten pertsonen errealitatea ezagutzeko aukera izan dugu.
Gorabide erakundeak DBHko 2. mailako ikasleei eman dien hitzaldi batean izan da. Familia konprometituek osatzen dute elkarte hau, eta Bizkaian adimen-desgaitasuna duten pertsonei laguntza ematea du helburu, baita haien familiei eta tutoreei ere, haien bizi-kalitatea hobetzeko eta haien eskubideak defendatzeko.

Kepak eta Johannak lagundu digute ulertzen Informazio falta eta ezjakintasuna direla desgaitasun intelektuala duten pertsonekiko ulermena eta enpatia mugatzen duten estereotipoen bultzatzaile nagusiak.
Gizartean bizi ahal izateko, garrantzitsua da errealitate hori duten pertsonei buruz gehiago jakitea, eta desgaitasunak guztioi eragin diezagukeela ulertzea, jaiotzatik edo ondorengo istripu baten ondorioz, lehen pertsonan edo maite dugun norbait egoera horretan aurkitzen delako.
Hitzaldiak, edozein pertsonak bezala, desgaitasun intelektuala duten pertsonek zailtasunak dituztela gogorarazi digu, baina trebetasunak, haien alde ekiteko ametsak eta harro sentitzeko lorpen ugari ere badituztela. Ez al dugu denok gauza bera esperimentatzen gure bizitzetan?

Horren adibide da Kepa, desgaitasun intelektuala izan arren, 12 enpresatan lan egin baitu Lantegi Batuak-en lankidetzari esker. Kepa, orain erretiratua, adibide ezin hobea da bere garaian 8 urte zituela jaso zuen diagnostikoa eta ikaskideen isekak ez direla oztopo izan bere bizitzan aurrera egiteko, eta mugak gainditzeko.

Hitzaldi honeek aukera garrantzitsuak dira estigmak eraisteko, inklusioa sustatzeko eta komunitate ulerkorrago bat eraikitzeko, non ikasle bakoitzak ikasteko, hazteko eta bete-betean laguntzeko aukera izango duen, ezberdintasunak alde batera utzita. Gure ikasleak beste pertsona batzuek dituzten aurreiritziak hausten dituzten pertsonak izan daitezen.
Eskerrik asko Kepa, Johanna eta Gorabide!