MUGITEK Lab: Berrikuntza, ikaskuntza eta mugikortasun iraunkorra Lauaxeta Ikastolan

Lauaxeta Ikastolan argi daukagu belaunaldi berriak etorkizuneko erronkei aurre egiteko prestatzea ezinbestekoa dela. Horregatik, pozik gaude MUGITEK Lab berriaren handitze eta inaugurazioarekin, mugikortasun adimendun eta iraunkorraren inguruko ikerketa eta garapena sustatzeko diseinatutako espazio aitzindaria. Proiektu hau gure STEM estrategiarekin eta kalitatezko hezkuntzaren aldeko apustuarekin bat dator.

Hazten eta bere aztarna uzten duen proiektua

MUGITEK Lab ez da proiektu berri bat, baina aurten dimentsio berri bat hartu du. 10 kart elektriko hartzeko gaitasuna duten instalazio guztiz berrituekin, orain Lehen Hezkuntzako 6. mailatik Batxilergoko 2. mailara arteko ikasleek parte hartuko dute urtero programa honetan.

Proiektu honen helburu nagusiak bi dira:

• Ingeniaritza, automozioa eta industria osagarrietan talentua eta bokazioa sustatzea.
• Ikasleak sektore eraldatu batean sortzen diren erronketarako prestatzea, non elektrifikazioa eta iraunkortasuna izango diren etorkizunaren ardatzak.

Ikaskuntza praktikoa eta diziplina artekoa

MUGITEK Labean, ikasleek elektronika, fisika, matematika, mekanika, datuen analisia eta ekonomia bezalako arloetan lan egiten dute, besteak beste. Ikaskuntza diziplina anitzeko honek ezagutza aberasteaz gain, arazo errealetan aplikatzeko aukera ematen die, etorkizun akademiko eta profesionalerako funtsezko gaitasunak garatuz.

Euskadi eta Europarekiko konpromisoa

Automozio-industriarentzat une erabakigarri honetan, Euskadik aukera paregabea du iraunkortasunerako aldaketa lideratzeko. MUGITEK Lab bezalako proiektuekin, sektore estrategiko hau bultzatuko duten etorkizuneko profesionalen prestakuntzan erreferente izan nahi dugu.

Inaugurazio ofiziala

Datorren azaroaren 29an, 15:00etatik 16:00etara, espazio honen inaugurazio ofiziala ospatuko dugu. Ekitaldian, Greenpower Iberia, AIC Automotive Intelligence Center eta BasqueCCAM erakundeetako ordezkariak izango dira, baita proiektuaren benetako protagonistak ere: gure ikasleak.

Lauaxeta Ikastolatik gonbidatzen zaituztegu gure komunitatearen etorkizunarekiko konpromisoa sendotzen duen espazio berritzaile hau ezagutzera. Informazio gehiago hemen dokumentu batean eskuragarri utzi dizuegu.