Saskian 0 produktu daukazu/dituzu.
Helburua ikasleak hizkuntza horretan komunikatzen jakitea da eta hau, egunerokoan hizkuntza hau erabiltzeaz lortzen dugu.
Ildo honetatik, hainbat dira ikasleek ikasturtean zehar, beste herrialde batzuetako ikasleekin egiten dituzten trukaketa esperientziak: Brujas, La Rochelle, Danimarka, eta Berlin, besteak beste.
Zentzu berean, teknologia berriek eskaintzen dituzten aukeretaz baliatuz, Skype bitartez ere hainbat trukaketa esperientzia izaten dituzte ikasleek, beste herrialdetako ikasleen errealitatea, kultura eta ezagutzan murgilduz.
Bestalde, ikasturtean zehar Lauaxeta Ikastolan garatzen diran beste nazioarteko esperientzien inguruko informazio gehiago eskuratzeko, klikatu ondoko lotura.
DBH 4. mailako proiektua da eta ikasturte honetako ikasleak Brujaseko ikastetxe batekin ikasle trukaketa programan parte hartzen dute.
DBH 4. mailako ikasleen adina ikusita, ikasle batzuentzat horrelako atzerriko esperientzia bat izaten duten lehengo aldia izaten da, beraz beste kultura bat eta beste ohitura batzuk daudela ikusteko eta bizitzeko modu ezin hobea izaten da.
Batxiler 1. mailan garatzen den proiektua da eta frantsezeko ikasgaitik kudeatzen da. Ikasleak bi astez, Frantziako hiri honetako ikastetxe batekin trukaketa programan parte hartzen dute eta jadanik ikastolatik daramaten frantsez maila hobetzen dute.
Baina hizkuntza hobetzeaz gain, Frantzia gertu dugun herrialdea izan arren, ikasleentzat oso interesgarria izaten da beste herrialde bateko familiak eta beraien adineko gazteak zer nolako ohiturak dituzten ikustea eta bizitzea.
Batxiler 1. mailako ikasleentzako trukaketa proiektua da eta ikasturte honetako Alemaneko ikasgaitik kudeatzen da proiektu hau. Alemaneko hizkuntza maila hobetzeaz gain, ikasleek alemaniako kultura eta bizimodua bizitzeko aukera ematen die.
Bertako ikastetxe batekin egiten den interkanbioa da eta bi asteko iraupena du. Aste bete gure ikasleak Berlinen ematen dute, eta beste astebetez Berlineko ikasleak gurera etorzten dira.
Batxiler 2. mailako ingeleseko proiektua da.
Lauaxetako ikasleak Billund hiriko ikasleekin trukaketa programa baten parte hartzen dute, eta helburua ingles maila hobetzeaz gain, ipar Europako herrialde honek eskaintzen duen bizimodua, ohiturak eta kultura gertutik ezagutzea da.
Atzerrian ikasketa egonaldi luze bat egin nahi duen ikasleak bizitza esperientzi garrantzitsua bta izatea nahi du. Hori da, horrelako atzerrriko egonaldi luzeetan egon diren ikasleek ondorioztatzen dutena: hau bizitza esperientzia bat da.
Hori horrela izanik, Lauaxeta ikastolak, azterriko herrialdeetan ikasketa egonaldi ezberdinak kudeatzen ditu EAS Vele, STEP eta Aston Herencia erakundeen eskutik.
Orokorrean esanda, egonaldi luze hauek hiruilabete bat edo ikasturte oso bat izaten dira eta Europako herrialdeetan edo Europatik kanpoko herrialdeetan izan daitezke.
Atzerriko programa hauen inguruko informazio urtero urtero ematen zaie familiei urria eta azaroa bitartean.
Helburua atzerrian denboraldi bat bizitzea zer den jakitea baldin bada, zure kabuz atzerriko hizkuntza baten egoerak kudeatzea nahi baduzu edo beste kultura baten eta beraz, beste bizimodu bat ezagutzea nahi baduzu, baina etxetik oso urrun joan gabe, Irlandan edo Erresuma Batuan egonaldi bat egitea aukera egokia da.
Irlandan ikasketa flexibilitate handia dago, beraz herrialde honengatik apostua egiten duen ikasleak, ikasketa ibilbidea eta ikasgaien aukeraketaren inguruan hausnartu beharko du, ondoren zer nolako ikasketak egin nahi duen kontuan izanda.
Erresuma Batuan, ikasketa aukerak ugariak dira eta mota ezberdinetako hezkuntza zentroak aurki daitezke.
Bi herrialde hauetan egonaldiak, ebaluaketa baten iraupenekoak izan daitezke.
Europatik kanpora ikasketa eta bizi esperientzia izan nahi duten ikasleek, aukera dute ebaluaketa bat edo ikasturte osoa atzerrian egiteko.
Kasu honetan bizi esperientzia honek antolaketan eta ikasgaien konbalidazioan eragina du, horregaitik ezinbestekoa da, Ikastolarekin elkarlanean egiten den erabaki bat izatea.
Estatu Batuetako aukera, interesgarria izaten da, eskaintza aldetik formula ezberdin ugari baitago aukeratzeko.
Canada herrialde interesgarria da baita ere. Bertako hezkuntza sistemaren maila egokia da ere eta beraz hezkuntza esperientzia aldetik oso interesgarria izaten da.
Zelanda Berriari dagokionez, ikasle atzerritar asko hartzen dituen herrialde bat da. Beraz, ikuspuntu horretatik ikastetxeak oso ondo prestaturik daude, atzerritarrentzako programak era egokian garatzen dituztelarik.
Uda sasoian egonaldiak atzerrian egin nahi duten ikasleek aukera dute, Erresuma Batutik hasi eta Estatu Batuetararte joateko.
Egonaldien iraupenari begira ere aukera ezberdinak daude: 2 3 edo 4 asteetako esperientzia izan daiteke, gehienak uztailean garatzen direlarik.
Planteamendu honekin, ingeleserako edo beste hizkuntza baterako konpetentzia asko hobetzeaz gain, beste herrialde bateko bizimodua zelakoa den ezagutzeko aukera izaten da eta horrez gain, ez du eraginik eta ez dago baldintzarik ikasturtean zehar Ikastolan egiten den plantemenduarekin.
Europako Business Batxilergoa egiten duten ikasleek, atzerrian lan praktikak egiteko aukera dute beraien konpetentziak hobetzeko helburuarekin.
Europako Business Batxilergoaren inguruko informazio gehiago izateko ondoko loturan klikatu.